About Us
Mission
Era mission dera Associacion Internacionau de Comissionadi de Lengua ei potenciar e fomentar era igualtat, era diuersitat e es drets lingüistics ath long deth mon e dar supòrt as comissionadi de lengua perque poguen trabalhar as maximaus nivèus professionaus a trauèrs de:
- Compartir experiéncia e intercambiar coneishements de bones practiques.
- Aconselhar o assessorar en establiment d’oficines de comissionadi de lengua.
- Facilitar un intercambi de recòrsi de formacion e de desvolopament professionau, recèrca e informacion.
- Collaborar damb institucions analògues qu’agen com a objectiu era proteccion des drets e dera diuersitat lingüistics.
Manament
Era Associacion Internacionau de Comissionadi de Lengua contribuís a potenciar eth papèr des comissionadi de lengua ath long deth mon en tot promòir bones practiques e nivèus d’excelléncia e en tot fomentant era igualtat e era diuersitat lingüistiques.
Valors
Es valors dera Associacion Internacionau de Comissionadi de Lengua son:
- Integritat: era Associacion a d’amiar a tèrme totes es activitats de manèra responsabla, damb equanimitat e rendicion de compdes devèrs es sòns membres e era profession.
- Servici: era Associacion a d’assistir as sòns membres en tot proporcionant-los eth melhor assessorament e era ajuda adequada.
- Respècte: era Associacion a de promòir eth respècte pera totes es lengües.
- Collaboracion: era Associacion a de fomentar era interaccion entre es sòns membres e collaborar damb autes institucions entà difóner era sua mission e promòir es drets, era igualtat e era diuersitat lingüistics.
- Independéncia: era Associacion a de promòir eth principi d’independéncia des comissionadi de lengua.
Objectius
Es objectius dera Associacion Internacionau de Comissionadi de Lengua son:
- Promòir, potenciar e fomentar es drets, era igualtat e diuersitat lingüistics.
- Compartir experiéncia, coneishements e contactes damb es comissionadi.
- Fomentar er intercambi d’informacion e er aprendissatge mutu entre es comissionadi de lengua e provedir as membres d’ua plataforma entà promòir bones practiques e ua basa de coneishements mès solida que contribuïsque ara proteccion des drets lingüistics.
- Incrementar eth coneishement e era conscienciacion sus eth papèr e era importància des comissionadi de lengua entre es govèrns, es agéncies estataus, es academics, es mieis de comunicacion e era poblacion en generau.
- Concretar, publicar e amiar a tèrme un procés de revision constant des critèris entath reconeishement des oficines de comissionadi de lengua e autrejar aguest reconeishement as oficines que complissen es requisits fixadi.
- Ajudar as regions que volguen crear un comissionat de lengua o promòir es dres lingüistics.
- Compartir es oportunitats de formacion e desvolopament o laboraus.
- Compartir estudis empirics damb era finalitat de fomentar es drets lingüistics.