Eolas
Misean
Is é misean CHUMANN IDIRNÁISIÚNTA NA GCOIMISINÉIRÍ TEANGA cearta, an comhionannas agus an éagsúlacht i gcúrsaí teanga ar fud an domhain a chur chun cinn agus tacaíocht a thabhairt do choimisinéirí teanga caighdeáin phroifisiúnta den scoth a bhaint amach:
- Trí thaithí a chomhroinnt agus eolas ar an gcleachtas is fearr a mhalartú;
- Trí chomhairle agus cúnamh a thabhairt agus oifigí Coimisinéirí Teanga á mbunú;
- Trí mhalartú acmhainní, taighde agus eolais ar oiliúint agus forbairt ghairmiúil a éascú;
- Trí chomhoibriú le heagrais chomhchosúla ar tábhachtach leo cearta agus éagsúlacht teanga a chosaint agus a chur chun cinn.
Ráiteas Físe
Cuidíonn CUMANN IDIRNÁISIÚNTA NA GCOIMISINÉIRÍ TEANGA le coimisinéirí teanga ar fud an domhain tríd an gcleachtas is fearr agus caighdeáin den scoth a chur chun cinn agus tríd an gcomhionannas agus an éagsúlacht i gcúrsaí teanga a chur chun tosaigh.
Luachanna
Is iad seo a leanas luachanna CHUMANN IDIRNÁISIÚNTA NA GCOIMISINÉIRÍ TEANGA
- Ionracas: Rachaidh an Cumann i mbun a chuid gníomhaíochtaí ar dhóigh fhreagrach, chothrom agus beidh sé cuntasach dá bhaill agus don ghairm.
- Seirbhís: Tabharfaidh an Cumann tacaíocht dá bhaill trí chomhairle agus cúnamh den scoth a thabhairt de réir mar is cuí.
- Meas: Cothóidh an Cumann meas ar gach teanga.
- Comhoibriú: Cuirfidh an Cumann idirghníomhnú na mball chun cinn agus rachaidh sé i dteagmháil le heagrais eile leis an ngairm a chur chun cinn agus le cearta, an comhionannas agus an éagsúlacht i gcúrsaí teanga a chur chun tosaigh.
- Neamhspleáchas: Cuirfidh an Cumann prionsabal an neamhspleáchais maidir le coimisinéirí teanga chun cinn.
Cuspóirí
Is iad seo a leanas cuspóirí CHUMANN IDIRNÁISIÚNTA NA GCOIMISINÉIRÍ TEANGA:
- Cearta, an comhionannas agus an éagsúlacht i gcúrsaí teanga a chur chun cinn agus tacú leo;
- Taithí, léargais agus naisc idir oifigí coimisinéirí teanga a chomhroinnt;
- Malartú faisnéise agus comhfhoghlaim idir oifigí coimisinéirí teanga a chur chun cinn agus dóigheanna a chur ar fáil do na baill na cleachtais is fearr agus eolas níos leithne agus níos doimhne ar na hiarrachtaí atá ar bun le cearta teanga a chosaint a chur chun tosaigh;
- Feasacht agus tuiscint ar ról agus ar luach na gCoimisinéirí Teanga a fheabhsú i measc Rialtas, gníomhaireachtaí stáit, an lucht acadúil, na meán agus an phobail mhóir;
- Critéir a bhaineann le haithint oifigí coimisinéirí teanga ag an gCumann a shainmhíniú, a fhoilsiú agus a choinneáil faoi athbhreithniú agus iad siúd ar fud an domhain a chomhlíonann na critéir shainithe aitheanta do choimisinéirí teanga a aithint;
- Tacaíocht a thabhairt do réigiúin ar mian leo coimisinéir teanga a bhunú nó a gcearta teanga a chur chun tosaigh;
- Oiliúint, forbairt agus deiseanna malartaithe oibre a chomhroinnt;
- Fianaise bunaithe ar thaighde a chomhroinnt le cearta teanga a chur chun tosaigh.