About Us
Piyariat
Piyariangit HILARYUAMI KATIMAYIIT UQAUHINUT KAMISINAT ikayurlugit hivumuuqtilugillu uqauhiit pilaarutit, aadjikiingikhait, aallanganiit hilaryuami ikayurlugillu uqauhinut kamisinat havakpagiangita qulvatqiyauyuni ayuirnirmingnut maliglugit :
- Atuqpagamingnik uqariyaqarlutik ilituripkainiarutik qauyimayangit nakuuqiyauyut atuqpagait;
- Uqautilugit ikayurlugit auladjutikhait Uqauhinut Kamisinauyut havagviit;
- Atuqtitaivalirlutik inmik ayuiqhautigivaktatik ayuinninginut atuqtakhanik, paqitiyakhanik kangiqhiyakhanik;
- Ikayuqtigiilutik aadjikutauyunik katimayiinik piqpaguhuutilgit ikpirnarnia atuquinikhaat tammaqtailinikhaat uqauhit pilaarutit aallatqiingutaillu.
Tautuktuuyaqtat titirait
HILARYUAMI KATIMAYIIT UQAUHINUT KAMISINAT ikayuqtiuyut uqauhiit kamisinat havaanginnut hilaryuami atuquiblutik nakuutqiyauyunik ihuarutit ayuinninginnut hivumuuqtitilutik uqauhiinik aadjkkinikkut piyaulutik aallatqininganullu.
Ukpiriyauyut
HILARYUAMI KATIMAYIIT UQAUHINUT KAMISINAT ukpiriyauyut
- Ukpingnariangani: Katimayiit hulilukaarniaqtut aadjikkiningangut ukpirnarningagut katimayiuyunik ayuinikhat havaakhat.
- Ikayurninga: Katimayiit ikayurniaqtait katimayitik tuniniaqhugit nakutqiyanik uqaudjaulutik ihuaqtuniglu ikayuutikhainik.
- Piqpaguhuutit: Katimayiit munariniaqtait piqpahuutiniq uqauhinik tamaita.
- Ikayuqtigiingniq: Katimayiit atuquiniaqtut katimayiqatitik huliqatigilugit aallallu katimayiit hivumuuriamingni ayuiningit atupaliriangita uqauhiinut pilaarutit aadjikkuhirniq aallatqingunnirlu.
- Ilikkurniq: Katimayiit atuquiniaqtut ukpiriyangit ilikkurnikkut uqauhiit kamisinat.
Pidjutikhaillu
HILARYUAMI KATIMAYIIT UQAUHINUT KAMISINAT pidjutikhai ukuat:
- Atuquilutik ikayurlutik hivumuuqtitilutik uqauhinut pilaarutinik aadjikkuhirniq aallatqingunnirlu
- uqauhirilugit, ilihimaliqtauyut atadjutauyut akun’ngani uqauhiinut kamisinat havagviini
- Ilihimaliqtamingnik kangiqhidjutinik tamarmik ayuiqtamingnik akun’ngani uqauhiinut kamisinat havagviini apqutikhaanullu iligiyaita hivumuuriangita nakuuqiyauyut atuqpagait hakugiktumiglu qauyimanikhaigut uqauhit pilaarutait tammaqtainikhaigut;
- Angigliyuumirniarlugu qauyimanikhaat kangiqhimanikhaat havaangannut ikpingnarniagut Uqauhiinut Kamisinat Kavamatkunni, aktimayiini, ilihattiarniagut, tuhaadjutaigut tamainit nunalingit;
- Naunairlugu, taiguakhailiurlutik ihivriuqhiqattarlutik ilitariyaudjutikhaagut uqauhinut kamisinap havagviat katimayiinit ilitariyauyaangani taapkunanga ihuariyaat ilitaridjuhikhaat uqauhinut kamisinat hilaryuami;
- Ikayurlugit avikturviit havaakhaliurumayut uqauhiinut kamisina hivuumuutittaangani uqauhiit pilaarutait;
- Atuqtitaiqattarlutik naupkarnia havaanut himmautauqattarniit;
- Atuqtitailutik tautukngnaqtut ivaqhiadjutauyut hivumuutittaangani uqauhiit pilaarutait.