MALIKTAKHAT

1. Atiq
   Katimayiit atiqarniaqtut:
   Hilaryuami Katimayiit Uqauhinut Kamisinat
2. Pidjutikhait
   Pidjutikhait Katimayiit:
   • Atuquilutik ikayurlutik hivumuuqtittilutik uqauhinut pilaarutinik aadjikkuhirniq aallatqingunnirlu
   • uqauhirilugit, ilihimaliqtauyut atadjutauyut akun’ngani uqauhiinut kamisinat havagviini
   • Ilihimaliqtamingnik kangiqhidjutinik tamarmik ayuiqtamingnik akun’ngani uqauhiinut kamisinat havagviini apqutikhaanullu iligiyaita hivumuuriangita nakuuqiyauyut atuqpagait hakugiktumiglu qauyimanikhaigut uqauhit pilaarutait tammaqtainikhaigut;
   • Angigliyuumirniarlugu qauyimanikhaat kangiqhimanikhaat havaangannut ikpingnarniagut Uqauhiinut Kamisinat Kavamatkunni, aktimayiini, ilihattiarniagut, tuhaadjutaigut tamainit nunalingit;
   • Naunairlugu, taiguakhailiurlutik ihivriuqhiqattarlutik ilitariyaudjutikhaagut uqauhinut kamisinap havagviat katimayiinit ilitariyauyaangani taapkunanga ihuariyaat ilitaridjuhikhaat uqauhinut kamisinat hilaryuami;
   • Ikayurlugit avikturviit havaakhaliurumayut uqauhiinut kamisina hivumuutittaangani uqauhiit pilaarutait;
   • Atuqtitaiqattarlutik naupkarnia havaanut himmautauqattarniit;
   • Atuqtitailutik tautukngnaqtut ivaqhiadjutauyut hivumuutittaangani uqauhiit pilaarutait.
3. Kangiqhidjutit
   Katimayikhat tigummiyauniaqtut ukununga :
   1. Kituliqaak Uqauhinut Kamisina katimaqatauyuq hivulliqpaami katimangmata Katimayiit Dublin Ireland-mi 24 Qiqaiyarluarvia 2013-mi angiqtangit maliktakhait katimayiit naunaiqtait.
   2. Kituliqaak Uqauhinut Kamisinap havagvia taamna ilitariyauhimayuq Katimayiinit ihuariblugu Katimayiit Idjutikhait uikununga Ilitariyauyuq Uqauhinut Kamisinap Havagvia. Idjuhikhat ilauyut Annex-mi.
4. Katimayilluat
   
   1. Katimayiit Ikhivautaqarniaqtut Titiraqtiqarlutiglu. Ikhivatalik ilauyukhauyuq katimayiini.
   2. Ikhivautalik Titiraqtilu ilikkut tikkuaqtauyukhak, tugliaqarlutik. Niruaqtaulitik Katimayiinit katimagamik ukiuqtamaarutaani ikhivalutiglu katimayilluangini katimaffaaruiqqata ukiuqtamaatqikkumik talvani inirniaqtuq. Iniqhat inuittut taimaaqtiramik Katimayiit ihumaliuqtaaqtut inukhaqhiurumagumik. Iniqtiqtuq ikhivautalik Titiraqtiluuniit niruaqtauffaaqtaaqtuk tuglirmut ukiumut kihimi ikhivautaulimaittut titiraqtiulimaittut malruuni ukiungni atayungni. Ihumaliuqtaaqtut maliglugit niruaqtauyut amigainingagut ihumaliurutaagut katimayut.
   3. Aallattauq katimayilluakhat – hitamauttaaqtut – ilauqtaaqtait Katimayiit piyumagumik qakugunnguqqat.
5. Katimayiit
   
   1. Katimayiuyukhaliurniaqtut maliglugit Maliktakhat katimayiit idjuhikhait ilitariyaangani Uqauhit Kamisinat Havagviit uvani ilauyuni.
   2. Katimayiuyut ihumaliurniaqtut uuktuutaanik katimayikhap niruaqtauluni katimayiinit katimayunit.
   3. Titiraqti pihimaniaqtuq ublumimut atiinik Katimayiuyunik taaffumunga Katimayinut .
6. Tukhiutit Makpiraanik
   
   1. Tamaita Katimayiuyut akiliqhiniaqtut atauhiinarmik akiliqhiniaqtut atauhiarluni akiliqtakhamik aadjikkutaanik €10 naunaitkutauluni ilauyaamingni.
   2. Akia akiliqhiffaaqtakhat, uqaqtaukpat, Katimayiit ihumaliurutigivangniaqtaat qakugunnguraangat .
7. Iniqtirniq
   Katimayiuyuq katimaqatiuhuirniaqtuq titirarluni Katimayinut taimaariaminik.
8. Taimaaqtitainiq
   Katimayiit hakugingniqarniaqtut anittiyaamingnik katimayimik pikpat, ihumaanni, katimayiuyuq idjuhikhaa nalaumahuiqqat ilitariyaami katimayiuninga. Imaa nappaanik amigiavyatqiyaanit katimayinik piyukhauyut anittiyumagumik.
9. Ukiuqtamaat Katimadjutait
   
   1. Katimayiit Ukiuqtamaarunmik Katimaniaqtut tamarmik katillutik alruyaqtuqtukkuluuniit ikiuqtamaat uqariyaangita havaarivaktatik:
      1. Piyaangani Ikhivautaliup kangiqhidjutait hulidjutimingnik katimayiit ukiumi aniguqtumi;
      2. Niruariamingnik Ikhivautakhamik Titiraqtikhamiglu ukiuni atuqtakhani;
      3. Angiqatigigiamingnik havaariyakhainnik Katimayiit ukiuni atuqtakhani;
      4. Angiqatigigiamingnik ihuaqtunik havaariyakhamingnik piyaamingnik pidjutikhainik Katimayiit.
   2. Titiraqti, Titiraqtiitpaluuniit, katimayiuyuq Katimayini, titiraqtiuniaqtuq Katimadjutainik Ukiuqtamaat imaalu tuniuqharlugit atauhiq tatqiqhiut aniguqtinnagu katimagamik
   3. Kamisinauhimayunut Ihivriuqtinulluuniit, ilitariyauttiaqhimayumulluuniit ayuittumut, ilihimayauyuq Katimayiinit ikayuqtiuttaaqtuq havaanginnut qaitquyauttaaqtuq Ukiuqtamaat Katimaviannut aallanulluuniit katimakpata Katimayiit. Ukualluuniit qulvaniittut kavamagiyauyuni amihunik uqauhiqaqtunit nunaryuanit ihuaqtumik uqaqpaktut Uqauhinut Kamisinaqarviini.
10. Uqauhiit
    Qablunaatut uqarlutik havangniaqtut katimayiit taapkua titiraqhimayut katimayinnguramik numiktiqhimanaiqtut uqauhirmingnut. Katimayiuyut pihimaniaqtut titiqqanik ilitariyauhimayukkut uqauhirmikkut imaaluuniit uqauhiikut piyumayamikkut ilauyukhat Katimayiit qaritauyakkuurutaini. Katimagaangamik katimayiit aturniaqtaat qablunaatut uqauhiq uqauhiallu nunaryuap katimavianni.
11. Aallanngutiuhiagut Maliktakhat Idjuhikhaallu
    
    1. Maliktakhat Ilauyullu Maliktakhanut aallanguqtiqtauttaaqtut maliktarutikhakkut Ukiuqtamaat Katimablutik imaa tamainnivyaq aniguqtipadjutik katimayunit talvani.
    2. Kitulliqaakihuaqhaqtaunaiqtut mailktakhat pidjutikhallu aulapkaqtauyukhat uqaririiqqadjutik atuniaqtamingnik Katimayiit, qanuqtut uqaqtauyaanut aturlutik Katimayiit.

1. PIYAKHAUTAIT Katimyiuyut
   Hivunikhaliurutikhat

   Katimayiit ilitariniaqtait Uqauhinut Kamisinauyut Katimayiuyut Katimayiini taapkununga timiuyunut havaaqaqtut ukuninnga; Ihivriuqhinikkut maliktarutikhanullu, ihumaliurlutik pitquidjutiliurlutik uqauhiit mikhaanut unniuqhiurutainik taapkuninga havagviit tigumiaqtut ihivriuqhinirmik malikhugiluuniit uqaudjuiyiuyulluuniit uqahiit pilaarutikkut piyakhainilu.

   Katimayiuyut avaliituunngittut havaaqaqtut tainiqaqhutik ‘Uqauhinut Kamisinamik’ Katimayiilu qinuginngitait katimayiuyaangita kinaliqaak ihivriuqhiuyiuyut aadjikkutailuuniit havagviit uqauhikkut unniqhiurviuyut ihuaqhaiyulluuniit ikpingnarningit pidjutikhaqaqtut naunaittiaqtut havaariyait nalaumayut uqauhiit pilaarutainut.

   Idjuhikhaat
   Katimayiit hivulliuyut idjuhikhaat imaa Ilitariniq Uqauhinut Kamisinap Havagviat:

   Havaariyaat – Ihivriuqhiubluni , ihuarutaagut uqaudjiubluni uqauhhit pilaarutaitigut pipkaidjutikhaigullu
   Ilikkuurniq – ilikkurluni havaani iniqtiriyaaminik
   naammagiyauniq –atuqtitailuni naammagiyauniq ikpingnaqtuq
   Takuttailihimaittumik – takuttailihimaittumik auladjuhirmingnik
   Kiudjutauningagut – kiudjutaunginaagut nunalingnut ihuaqtumuluuniit maligaliurvingnut

   Atan’nguyauhirmiq
   

   Katimayiit pitquyaat Uqahinut Kamisinap Havagviat ihuarutauluni atuqtauvaktunut ukpiriyauyunut nakuyumik atan’nguyauhikkut naamayaangani havaariyait nalaumalutik maligaliuqtat pidjutainut.

   Ilitaqhiniq
   

   Ihumaliurutaat pitaariakhaa Uqauhinut Kamisinap Havagvia ilitariyauhimayuq nalaumayut idjuhikhaannut Katimayiuyut Katimayiini ihumaliurutigiyakhautaat Katimayiit.