ᑭᒡᒐᖅᑐᐃᓂᖅ

ᑭᒡᒐᖅᑐᐃᓂᖅ ᓯᓚᕐᔪᐊᒥᑦ ᑲᑐᔾᔨᖃᑎᒌᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐃᑲᔪᖅᑐᓂᕐᒥᑦ ᓯᕗᐊᑦᑎᑦᓯᓂᕐᒥᓪᓗ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ, ᐊᔾᔨᒌᑎᑦᓯᓂᕐᒥᑦ ᐊᔾᔨᒌᖏᕈᓘᔭᕐᓂᕐᒥᓪᓗ ᓯᓚᕐᔪᐊᒥᑦ ᐊᒻᒪᓗ ᐃᑲᔪᖅᑐᕐᓂᕐᒥᑦ ᐅᖃᐅᓯᕐᓄᑦ ᑲᒥᓯᓇᓂᑦ ᐃᖅᑲᓇᐃᔭᕐᓂᐊᕐᒪᑕ ᖁᑦᓯᓂᖅᐹᒥᑦ ᖃᐅᔨᒪᔪᒻᒪᕆᓐᓄᑦ ᑎᑭᐅᒪᔭᕆᐊᓗᓐᓄᑦ ᐃᒪᐃᓪᓗᑎᑦ:

• ᖃᐅᔨᒪᑎᑦᓯᓂᖅ ᐊᑐᖅᓯᒪᔭᒥᓐᓂᑦ ᖃᐅᔨᑎᑦᓯᖃᑦᑕᐅᑎᓗᑎᓪᓗ ᖃᐅᔨᒪᔭᒥᓂᑦ ᐱᐅᓂᖅᐹᑎᒍᑦ ᐊᑐᖅᑕᐅᔪᓐᓇᖅᑐᓂᑦ;
• ᖃᐅᔨᒪᑎᑦᓯᓂᖅ ᐃᑲᔪᕐᓂᕐᓘᓐᓃᑦ ᓴᖅᑭᑎᑦᓯᓂᕐᒥᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐊᓪᓚᕕᖏᓐᓂᑦ;
• ᑲᔪᓯᑎᑦᓯᓂᕐᒥᑦ ᖃᐅᔨᑎᑦᓯᖃᑦᑕᐅᑎᓂᕐᒥᑦ ᐃᓕᓐᓂᐊᕐᓂᕐᒥᑦ ᖃᐅᔨᒪᔪᒻᒪᕆᓄᑦ ᐱᕚᓪᓕᑎᑦᓯᓂᕐᒥᑦ ᐃᑲᔫᑎᓂᑦ, ᖃᐅᔨᓴᕐᓂᕐᒥᑦ ᑐᑭᓯᒋᐊᕈᑎᓂᓪᓗ;
• ᑲᑐᔾᔨᖃᑎᒌᓐᓂᕐᒥᑦ ᐊᔾᔨᒌᐸᓗᓐᓂᑦ ᑲᑐᔾᔨᖃᑎᒌᓂᑦ ᐱᒻᒪᕆᐅᒋᔭᓕᓐᓂᑦ ᓴᖅᑭᔮᖅᑎᑦᓯᓂᕐᒥᑦ ᓴᐳᔾᔨᓂᕐᒥᓪᓗ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ ᐊᔾᔨᒌᖏᕈᓘᔭᕐᓂᕐᒥᓪᓗ.

ᑕᐅᑐᖑᐊᖅᑕᑦ ᐅᖃᖅᓯᒪᓂᖏᑦ

ᓯᓚᕐᔪᐊᒥᑦ ᑲᑐᔾᔨᖃᑎᒌᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐃᑲᔪᖅᐸᑦᑐᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐱᓕᕆᐊᖏᓐᓂᑦ ᓯᓚᕐᔪᐊᕐᒥᑦ ᓴᖅᑭᔮᖅᑎᑦᓯᓂᕐᒥᑦ ᐱᐅᓂᖅᐹᑎᒍᑦ ᐊᑐᖅᑕᐅᔪᓐᓇᖅᑐᓂᑦ ᐊᒻᒪᓗ ᐱᐅᓛᒪᕆᓐᓄᑦ ᐱᔾᔪᓯᕐᓂᑦ ᓯᕗᒧᐊᑦᑎᑦᓯᓂᕐᒥᓪᓗ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ ᐊᔾᔨᒌᖏᕈᓘᔭᕐᓂᕐᒥᓪᓗ.

ᐱᒻᒪᕆᐅᒋᔭᖏᑦ

ᓯᓚᕐᔪᐊᒥᑦ ᑲᑐᔾᔨᖃᑎᒌᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐱᒻᒪᕆᐅᒋᔭᖏᑦ

• ᑕᒪᒃᑭᖅᓯᒪᓂᖅ: ᑲᑐᔾᔨᖃᑎᒌᑦ ᑲᒪᒋᔭᖃᕐᓂᐊᖅᑐᑦ ᐃᓘᓐᓇᖏᓐᓂᑦ ᓱᓕᕆᓂᐅᔪᓂᑦ ᐊᔾᔨᒌᑎᑦᓯᓂᕐᒥᑦ ᑕᑎᒋᔭᐅᒍᓐᓇᓂᕐᒥᓪᓗ ᐃᓚᒋᔭᐅᔪᓂᑦ ᐊᒻᒪᓗ ᐱᐅᓯᕆᔭᐅᔪᓂᑦ.
• ᐱᔨᑦᓯᕋᕐᓂᖅ: ᑲᑐᔾᔨᖃᑎᒌᑦ ᐃᑲᔪᖅᑐᕐᓂᐊᖅᑐᑦ ᐃᓚᒋᔭᐅᔪᓂᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᐅᓂᖅᐹᒥᑦ ᐅᖃᐅᔾᔪᐃᓂᕐᒥᑦ ᐃᑲᔪᕐᓂᕐᒥᓪᓗ ᓈᒻᒪᑦᑐᓂᑦ.
• ᐃᑉᐱᒍᓱᓐᓂᖅ: ᑲᑐᔾᔨᖃᑎᒌᑦ ᐊᑐᕐᓂᐊᖅᑐᑦ ᐃᑉᐱᒍᓱᓐᓂᕐᒥᑦ ᐃᓘᓐᓇᖏᓐᓂᑦ ᐅᖃᐅᓯᕐᓂᑦ.
• ᑲᑐᔾᔨᖃᑎᒌᓐᓂᖅ: ᑲᑐᔾᔨᖃᑎᒌᑦ ᓴᖅᑭᔮᖅᑎᑦᓯᓂᐊᖅᑐᑦ ᐃᓅᖃᑎᒌᓐᓂᕐᒥᑦ ᐃᓚᒋᔭᐅᔪᓄᑦ ᑲᑎᖃᑎᖃᖃᑦᑕᕐᓂᕐᒥᓪᓗ ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᓯᕗᒧᐊᑦᑎᑦᓯᓂᕐᒥᑦ ᐱᐅᓯᕆᔭᐅᔪᓂᑦ ᐊᒻᒪ ᓴᖅᑭᔮᖅᑎᑦᓯᓂᕐᒥᑦ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ ᐊᔾᔨᒌᑎᑦᓯᓂᕐᒥᑦ ᐊᔾᔨᒌᖏᕈᓘᔭᕐᓂᕐᒥᓪᓗ
• ᐃᓛᒃᑰᕈᓐᓇᓂᕐᒥᑦ: ᑲᑐᔾᔨᖃᑎᒌᑦ ᓴᖅᑭᔮᖅᑎᑦᓯᓂᐊᖅᑐᑦ ᐱᒐᓱᐊᖅᑕᖏᓐᓄᑦ ᐃᓛᒃᑰᕈᓐᓇᓂᕐᒥᑦ ᐅᖃᐅᓯᕐᓄᑦ ᑲᒥᓯᓇᐃᑦ.

ᐊᒻᒪᓗ ᑐᕌᒐᖏᑦ

ᓯᓚᕐᔪᐊᒥᑦ ᑲᑐᔾᔨᖃᑎᒌᑦ ᐅᖃᐅᓯᕐᓄᑦ ᑲᒥᓯᓇᐃᑦ ᑐᕌᒐᖏᑦ ᐃᒪᐃᑉᐳᑦ:

• ᓴᖅᑭᔮᖅᑎᑦᓯᓂᕐᒥᑦ, ᐃᑲᔪᖅᑐᓂᕐᒥᑦ ᓯᕗᒧᐊᑦᑎᑦᓯᓂᕐᒥᓪᓗ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ ᐊᔾᔨᒌᑎᑦᓯᓂᕐᒥᑦ ᐊᔾᔨᒌᖏᕈᓘᔭᕐᓂᕐᒥᓪᓗ
• ᖃᐅᔨᒪᑎᑦᓯᓂᕐᒥᑦ ᖃᐅᔨᒪᔭᒥᓂᑦ, ᖃᓄᐃᓕᐅᕈᑕᐅᔪᓐᓇᖅᑐᓂᑦ ᐊᑦᑐᐊᓂᓕᓐᓂᓪᓗ ᐊᑯᕐᖓᓂᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐊᓪᓚᕝᕕᖏᓐᓂᑦ
• ᑎᓕᐅᕆᓂᕐᒥᑦ ᑐᑭᓯᒋᐊᕈᑎᓂᑦ ᑕᐅᖅᓰᖃᑎᒌᓐᓂᕐᒥᑦ ᐃᓕᓐᓂᐊᕐᓂᕐᒥᓪᓗ ᐊᑯᕐᖓᓂᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐊᓪᓚᕝᕕᖏᓐᓂᑦ ᐊᑐᐃᓐᓇᐅᑎᑦᓯᓂᕐᒥᓪᓗ ᐊᖅᑯᑎᒥᑦ ᐃᓚᒋᔭᐅᔪᓄᑦ ᓯᕗᒧᐊᑦᑎᓯᓂᕐᒥᑦ ᐱᐅᓂᖅᐹᑎᒍᑦ ᐊᑐᖅᑕᐅᔪᓐᓇᖅᑐᓂᑦ ᐊᒻᒪᓗ ᓴᓐᖏᓂᖅᓴᒥᑦ ᖃᐅᔨᒪᓂᖃᕐᓂᖅ ᑐᓐᖓᕕᒋᓗᒋᑦ ᐅᖃᐅᓯᕐᓄᑦ ᐱᔪᓐᓇᐅᑏᑦ ᓴᐳᔾᔨᓂᕐᒥᑦ ᐱᓕᕆᐊᕆᔭᐅᓚᓱᒃᑐᓂᑦ;
• ᐅᓄᖅᓯᑎᑦᓯᓂᕐᒥᑦ ᖃᐅᔨᒪᑎᑦᓯᓂᕐᒥᑦ ᑐᑭᓯᐅᒪᑎᑦᓯᓂᕐᒥᓪᓗ ᑲᒪᒋᔭᖏᓐᓂᑦ ᐊᒻᒪᓗ ᐱᒻᒪᕆᐅᑎᑕᖏᓐᓂᑦ ᐅᖃᐅᓯᕐᓄᑦ ᑲᒥᓯᓇᐃᑦ ᒐᕙᒪᒃᑯᓐᓂᑦ, ᐊᕕᑦᑐᖅᓯᒪᔪᓄᑦ ᑐᑦᑕᕐᕖᑦ, ᐃᓕᓐᓂᐊᕐᓂᓕᕆᓂᖅ, ᐱᕙᓪᓕᐊᔪᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ;
• ᓇᓗᓇᐃᖅᓯᑦᓯᐊᕐᓂᕐᒥᑦ, ᓴᖅᑭᑎᑦᓯᓂᕐᒥᑦ ᐱᓯᒪᑦᓯᓂᕐᒥᓪᓗ ᕿᒥᕐᕈᔭᐅᖏᓐᓇᑎᓪᓗᒍ ᒪᓕᒐᑦᓴᐃᑦ ᐃᓕᑕᕆᔭᐅᓂᖏᓐᓂᑦ ᐅᖃᐅᓯᕐᓄᑦ ᑲᒥᓯᓇᐃᑦ ᐊᓪᓚᕝᕕᖏᑦ ᑲᑐᔾᔨᖃᑎᒌᓄᑦ ᐊᒻᒪᓗ ᐊᖏᖃᑎᒌᓐᓂᕐᒥᓪᓗ ᐃᓕᑕᕆᔭᐅᓂᖏᓐᓂᑦ ᓈᒻᒪᒋᔭᐅᔪᓂᑦ ᓇᓗᓇᐃᖅᑕᐅᓯᒪᔪᓂᑦ ᒪᓕᒐᑦᓴᕐᓂᑦ ᐃᓕᑕᕆᔭᐅᓂᖏᓐᓄᑦ ᐅᖃᐅᓯᕐᓄᑦ ᑲᒥᓯᓇᐃᑦ ᓯᓚᕐᔪᐊᕐᒥᑦ;
• ᐃᑲᔪᖅᑐᓂᕐᒥᑦ ᐊᕕᑦᑐᖅᓯᒪᔪᓂᑦ ᓴᖅᑭᑎᑦᓯᒍᒪᔪᓂᑦ ᐃᓂᒋᔭᐅᔪᒥᑦ ᐅᖃᐅᓯᕐᓄᑦ ᑲᒥᓯᓇᒥᑦ ᓯᕗᒧᐊᑦᑎᑦᓯᓂᕐᒥᓪᓘᓐᓃᑦ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ;
• ᖃᐅᔨᒪᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᑦ ᐱᕚᓪᓕᑎᑦᓯᓂᕐᒥᓪᓗ ᐃᖅᑲᓇᐃᔮᓄᓪᓘᓐᓃᑦ ᑕᐅᖅᓯᖃᑎᒌᓐᓂᕐᒥᑦ ᐱᕕᖃᕐᓂᕐᒥᓂᑦ;
• ᖃᐅᔨᒪᑎᑦᓯᓂᕐᒥᑦ ᓴᖅᑭᑎᑦᓯᓂᕐᒥᑦ ᑐᓐᖓᕕᒋᓗᒋᑦ ᖃᐅᔨᓴᕐᓂᐅᔪᑦ ᐱᔪᒪᔪᓄᑦ ᓯᕗᒧᐊᑦᑎᓯᓂᕐᒥᑦ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ.