ᑐᙵᓱᒃᑎᑦᑎᓂᖅ
ᐱᓕᕆᐊᒃᓴᕆᑎᑕᐅᔪᑦ ᑲᔪᓯᑎᑕᐅᖁᓪᓗᒋᑦ IALC-ᒃᑯᑦ ᐃᑲᔪᖅᑐᐃᖁᓪᓗᒋᑦ ᓯᕗᒻᒧᐊᒃᑎᑦᑎᓗᑎᒡᓗ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓂᒃ, ᐊᔾᔨᒌᒃᑎᑦᑎᓂᕐᒥᒃ ᐊᒻᒪ ᐊᔾᔨᒌᙱᕈᓘᔭᖅᑐᓂᒃ ᓄᓇᕐᔪᐊᓕᒫᒥ, ᑲᑐᔾᔨᖃᑎᒌᑦ ᐱᔪᒃᓯᑎᑦᑎᔪᒪᑦᑎᐊᖅᐳᑦ ᐅᓄᕐᓂᖅᓴᓂᒃ ᑲᑎᒪᔨᓂᒃ. ᑕᐃᒪᐃᒻᒪᑦ ᖃᐃᖁᔨᕗᒍᑦ ᑲᑐᔾᔨᖃᑎᒌᓂᒃ ᑐᓴᐅᒪᑎᑦᑎᔪᓐᓇᑦᑎᐊᖅᑐᓂᒃ IALC−ᒃᑯᑦ ᑕᐅᑐᖅᑰᖅᑕᖓᓂᒃ ᑭᒃᑯᓪᓗ ᑲᔪᓯᑎᑦᑎᔪᑦ ᒪᓕᒃᑕᐅᔭᕆᐊᖃᖅᐸᒃᑐᓂᒃ ᐃᓚᒋᔭᐅᓂᕐᒧᑦ ᐃᓚᐅᓂᐊᕐᓗᑎᒃ ᐅᕙᑦᑎᓐᓂᒃ.
ᐱᓇᔪᒋᑦ ᐃᓚᒋᔭᐅᓪᓚᕆᓕᕐᓗᑎᑦ IALC−ᑯᓐᓄᑦ:
IALC−ᒃᑯᓐᓄᑦ ᐃᓚᒋᔭᐅᔾᔪᑎᒧᑦ ᒪᓕᒃᑕᐅᔪᒃᓴᑦ ᐊᒻᒪ ᐱᓇᔫᑎᒧᑦ ᑕᑕᑎᕆᐊᓕᒃ
ᓄᑖᖅ: ᖁᙱᐊᖅᑎᒧᑦ ᐃᓚᒋᔭᐅᓂᖅ
ᐃᓚᒋᔭᐅᔪᑦ IALC−ᒃᑯᓐᓄᑦ ᓂᕈᐊᓚᐅᖅᐳᑦ ᐊᑕᖏᖅᖢᑎᒃ ᐊᕐᕌᒍᑕᒫᖅᓯᐅᑎᒥᓂᒃ ᑲᑎᒪᑎᓪᓗᒋᑦ Bilbao−ᒥ ᓯᑎᐱᕆ 2022−ᒥ ᓴᖅᑭᑦᑎᔪᒪᓪᓗᑎᒃ ᓄᑖᒥᒃ ᖃᓄᐃᑦᑑᓂᖓᓂᒃ ᐃᓚᒋᔭᐅᔾᔪᑎᒥᒃ ᐱᕕᖃᕈᑕᐅᓂᐊᖅᑐᒥᒃ ᑲᑐᔾᔨᖃᑎᒌᒡᕕᖕᓄᑦ ᐃᓯᕈᓐᓇᕐᓗᑎᒃ IALC−ᒃᑯᑦ ᐱᓕᕆᐊᖏᓐᓂᒃ ᒪᓕᙱᑦᑕᕌᖓᑕ ᒪᓕᒋᐊᓕᖕᓂᒃ ᐃᓚᒋᔭᐅᔪᓕᒫᓄᑦ ᓇᓗᓇᐃᖅᑕᐅᓯᒪᔪᑦ ᐃᓚᒋᔭᐅᔪᓕᒫᓄᑦ ᑕᑕᑎᕆᐊᓕᖕᒥ.
ᐱᔾᔪᑎᖓ ᑕᐅᑐᒃᑎᓄᑦ ᐃᓚᒋᔭᐅᔪᑦ ᐊᑐᖅᑎᓪᓗᒍ ᐅᔾᔨᕈᓱᖕᓂᖅ, ᐃᓚᐅᖃᑕᐅᓂᖅ, ᐱᓕᕆᖃᑎᒌᖕᓂᕐᓗ ᐊᑯᓐᓂᖓᓂ ᐊᓐᑎᐅᕆᒃᑯᑦ ᐊᓯᖏᓪᓗ ᐱᓕᕆᕝᕕᑦ ᑲᑐᔾᔨᖃᑎᒌᓪᓘᓐᓃᑦ ᑎᓕᔭᐅᓯᒪᔾᔪᑎᖃᖅᑐᑦ ᑲᒪᒋᔭᖃᕐᓗᑎᒃ ᐅᖃᐅᓯᕐᓄᑦ ᐱᔪᓐᓇᐅᑎᖏᓐᓂ, ᑭᓯᐊᓂ ᐊᑐᖅᑎᑦᑎᔪᓐᓇᙱᑦᑐᑦ ᒪᓕᒐᒃᓴᓂᑦ ᐃᓚᒋᔭᐅᔾᔪᑎᓕᒫᓄᑦ ᐋᖅᑭᒃᑕᐅᓯᒪᔪᓄᑦ IALC−ᑯᑦ ᒪᓕᒋᐊᓕᖏᓐᓂ.
ᐃᓚᒋᔭᐅᔾᔪᑎᓄᑦ ᐃᑲᔫᓯᐊᑦ
ᖁᙱᐊᖅᑏᑦ ᐊᑐᕈᓐᓇᕐᓂᐊᖅᐳᑦ ᐊᔾᔨᒌᙱᑦᑐᓂᒃ ᐱᓕᕆᖃᑎᒌᒍᑕᐅᔪᓐᓇᖅᑐᓂᒃ ᐅᖃᐅᓯᕐᓄᑦ ᑲᒥᓯᓇᒋᔭᐅᔪᓄᑦ, ᐅᓂᕐᓗᒡᕕᐅᓲᓄᑦ ᐊᓯᖏᓐᓄᓪᓗ ᐱᖃᖃᑕᐅᔪᓄᑦ, ᑲᔪᓯᑎᑦᑎᕙᒡᓗᑎᒃ ᐱᓕᕆᖃᑎᒌᖕᓂᕐᒥᒃ ᑐᓴᐅᒪᖃᑎᒌᖕᓂᕐᒥᒡᓗ ᐃᓱᒪᒋᔭᐅᓯᒪᔪᓂᒃ ᐱᐅᓛᓂᒡᓗ ᐊᑐᖅᑕᐅᔪᓐᓇᖅᑐᓂᒃ. ᐊᒻᒪ ᓱᓕ, ᓲᕐᓗ, ᖁᙱᐊᖅᑏᑦ ᐃᒪᐃᓕᐅᕈᓐᓇᖅᓯᓂᐊᖅᑐᑦ:
- ᖁᙱᐊᖅᑎᐅᑉ ᖃᓄᐃᓕᖓᓂᖓ ᑕᒪᐃᓐᓂᒃ ᑭᒃᑯᑐᐃᓐᓇᕐᓄᑦ ᑲᑎᒪᕕᒡᔪᐊᖅᑐᓂᒃ ᖃᓄᐃᓕᐅᕈᑎᓂᒡᓗ ᐋᖅᑭᒃᑕᐅᔪᑦ IALC−ᒃᑯᓐᓄᑦ
- ᖁᙱᐊᖅᑏᑦ ᖃᓄᐃᓕᖓᓂᖏᑦ ᑲᑎᒪᑎᓪᓗᒋᑦ ᐱᓕᕆᔨᐅᑉ−ᐊᐅᓚᑕᐅᔪᑦ ᐊᕕᒃᓯᒪᓂᒃᑲᓐᓂᖏᑦ (ᓲᕐᓗ ᐊᑐᐊᒐᖅ ᖃᐅᔨᓴᕐᓂᕐᓗ ᑐᓴᐅᒪᑎᑦᑎᓂᕐᒧᓪᓗ ᐱᓕᕆᖃᑎᒃᑲᓐᓂᖏᑦ).
- ᑐᙵᓱᒃᑎᑦᑎᓂᖅ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑯᑦ ᐋᖅᑭᒃᓯᒪᔪᓂᒃ ᓯᐊᒻᒪᒃᑎᕆᓂᕐᒧᑦ ᐊᑐᕐᓂᑯᓂᑦ ᐱᐅᓛᒃᑯᓪᓗ ᐊᑐᕋᓲᑎᑦ
- ᑐᙵᓱᒃᑎᑦᑎᔾᔪᑏᑦ ᑲᑎᒪᖃᑕᐅᖁᓪᓗᒋᑦ ᐊᔾᔨᐅᙱᑦᑐᒥᑦ ᑲᑎᒪᔪᓄᑦ ᐋᖅᑭᒃᑕᐅᓯᒪᔪᖅ IALC−ᒃᑯᓐᓄᑦ ᐱᓚᒋᔭᐅᔪᓕᒫᑦ ᑲᑎᑎᑕᐅᖁᓪᓗᒋᑦ
- ᐃᓂᒃᓴᖅ ᑐᓴᐅᒪᖃᑎᖃᕐᓂᐊᕐᓗᓂ ᑐᓴᐅᒪᔾᔪᑎᒃᓴᓂᑦ ᐃᖅᑲᓇᐃᔮᖏᑦᑕ ᒥᒃᓵᓄᑦ IALC−ᒃᑯᑦ ᐃᑭᐊᖅᑭᕕᖓᓂ
- ᓄᑖᙳᕆᐊᖅᓯᒪᔪᑦ IALC−ᒃᑯᓐᓄᑦ ᐃᓚᒋᔭᐅᔪᑦ ᐱᓕᕆᐊᖏᑦ, ᐅᖃᓕᒫᒐᓕᐊᖏᑦ, ᐃᑲᔫᑎᒃᓴᖏᓪᓗ ᑐᕌᖓᔪᑦ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓄᑦ, ᐊᑐᐊᒐᕐᓄᑦ, ᐊᒻᒪ ᑭᒡᒐᖅᑐᐃᓂᕐᒧᑦ.
ᓇᓗᓇᐃᔭᑦᑎᐊᖅᓯᒪᔪᑦ ᓈᓚᒃᑎᓄᑦ ᐃᓚᒋᔭᐅᔪᑦ ᐊᑐᐊᒐᖏᑦ ᐅᕙᓂ ᓇᓂᔭᐅᔪᓐᓇᖅᑐᑦ: IALC−ᒃᑯᑦ ᖁᙱᐊᖅᑎᐅᓄᑦ ᐃᓚᒋᔭᐅᓂᕐᒧᑦ ᐊᑐᐊᒐᖅ
ᖃᐅᔨᒪᓂᐊᖅᐳᑎᑦ ᑖᓐᓇ ᖃᓄᐃᑦᑑᓂᖓ ᐃᓚᒋᔭᐅᔾᔪᑎ ᑐᕌᖓᙱᑦᑐᖅ ᐃᓄᖕᓄᑦ ᐃᓕᓐᓂᐊᖅᑎᐊᖅᓯᒪᓂᕐᒧᓪᓘᓐᓃᑦ ᖃᐅᔨᓴᖅᑎᓄᑦ ᐱᓕᕆᐊᖃᖅᑐᓄᑦ ᐅᖃᐅᓯᕐᓄᑦ ᐱᔪᓐᓇᐅᑎᓂᑦ ᐃᖅᑲᓇᐃᔮᖏᓐᓂᒡᓗ ᐅᖃᐅᓯᕐᓄᑦ ᑲᒥᓴᓇᑦ. ᑭᓯᐊᓂ, IALC−ᒃᑯᑦ ᐅᖃᖃᑎᖃᕈᒪᓇᔭᖅᑐᑦ ᐱᕕᒃᓴᐅᔪᓕᒫᓂᒃ ᐱᓕᕆᖃᑎᖃᕐᓂᕐᒧᑦ ᖃᐅᔨᓴᖅᑎᓂᒃ IALC−ᒃᑯᑦ ᑐᕌᕆᔭᓪᓗᐊᑕᖏᓐᓂᒃ ᐃᑲᔪᖅᓱᐃᓂᕐᒧᑦ ᓯᕗᒻᒧᐊᒃᑎᑦᑎᓂᕐᒧᓪᓗ ᐅᖃᐅᓯᕐᓄᑦ ᐱᔪᓐᓇᐅᑎᒋᔭᐅᔪᓂᒃ, ᐊᔾᔨᒌᒃᑎᑦᑎᓂᕐᒥᒃ ᐊᔾᔨᒌᙱᕈᓘᔭᖅᑐᓂᒡᓗ ᓄᓇᕐᔪᐊᓕᒫᒥ. ᑐᒃᓯᕋᐅᑎᑦ ᑲᑐᔾᔨᖃᑎᒌᒍᑎᒃᓴᓄᑦ ᐅᕝᕙᓘᓐᓃᑦ ᖃᐅᔨᓴᕐᓂᕐᒧᑦ ᐱᓕᕆᐊᓄᑦ ᑐᓐᓂᖅᑯᑕᐅᑐᐃᓐᓇᕆᐊᖃᖅᐳᑦ ᐅᑯᓄᖓ info@languagecommissioners.org.
ᐱᓇᔪᖃᑕᐅᒋᑦ ᖁᙱᐊᖅᑎᒧᑦ ᐃᓚᒋᔭᐅᓂᕐᒧᑦ:
